Shpërndante foto intime të një të miture në rrjete sociale, arrestohet 20-vjeçari

Një 20-vjeçar në Devoll është arrestuar në flagrancë pasi dyshohet se ka shpërndarë nëpër rrjete sociale foto intime të një të miture. Policia ka njoftuar se atij i është sekuestruar edhe celulari në cilësinë e provës materiale.

Nuk dihet ende nëse shpërndarja e fotove intime të së miturës ka qenë me qëllim shantazhimin e saj. Policia po vijon me hetimet.

“Komisariati i Policisë Devoll arrestoi në flagrancë shtetasin I. N., 20 vjeç, banues në Devoll, pasi dyshohet se ka shpërndarë në rrjete sociale foto intime të një shtetaseje të mitur. Celulari i tij u sekuestrua në cilësinë e provës materiale”,-thuhet në njoftimin e policisë.