Arrestohet në Tropojë 29-vjeçari i shpallur në kërkim për kultivim kanabisi
Lajmifundit
/
1 August 2025, 11:27
Aktualitet
Arrestohet në Tropojë 29-vjeçari i shpallur në kërkim për kultivim kanabisi
Policia e Tropojës ka vënë në pranga një 29-vjeçar të shpallur në kërkim, në kuadër të operacionit të koduar “Lekbibaj”.
Në bazë të informacioneve operative, shërbimet e Komisariatit të Policisë lokalizuan dhe arrestuan në zonën “Kodra e Markajve”, shtetasin Gj. P., banues në fshatin Mserr.
Ky shtetas ishte shpallur në kërkim nga Gjykata e Kukësit, e cila i kishte caktuar masën “arrest në burg” për veprën penale “Kultivimi i bimëve narkotike”.
Sipas hetimeve, ai dyshohet se në vitin 2022 ka qenë i përfshirë në kultivimin e kanabisit në zonën malore të fshatit Mserr.
Materialet iu referuan Prokurorisë për veprime të mëtejshme, ndërsa policia e Tropojës vijon kontrollet për kapjen e personave në kërkim dhe goditjen e veprimtarive të paligjshme.