Merr makinën me qera dhe se kthen më, shpallet në kërkim 41-vjeçari nga Librazhdi

Një 41-vjeçar është shpallur në kërkim nga Policia e Korçës, pasi dyshohet se ka përvetësuar një automjet që e kishte marrë me qira nga një shtetas tjetër.

Ngjarja ka ndodhur më 25 qershor 2025, kur një 54-vjeçar nga Korça, shtetasi A. A., ka kallëzuar se i ka dhënë makinën me qira shtetasit R. D., 41 vjeç, banues në Librazhd. Sipas kallëzimit, automjeti nuk është kthyer në kohën dhe mënyrën e parashikuar në marrëveshjen mes palëve.

Në bazë të denoncimit, Specialistët për Hetimin e Krimeve në Komisariatin e Policisë Korçë kanë referuar materialet në Prokurori dhe kanë shpallur në kërkim personin e dyshuar.

Ndërkohë, policia po vijon punën për lokalizimin dhe kapjen e 41-vjeçarit si dhe për gjetjen e mjetit të marrë me qira.