Aksidentoi për vdekje 21-vjeçarin në Fier, policia vë në pranga shoferin

Policia e Fierit ka arrestuar shoferin, M.Ç, të përfshirë në aksidentin me pasojë vdekjen e një 21-vjeçari.

“Drejtoria Vendore e Policisë Fier/ Në vijim të informacionit paraprak të dhënë ditën e djeshme për një aksident rrugor në aksin "Fier-Vajkan", ku një automjet përplasi një motomjet me drejtues shtetasin K. H., 21 vjeç, i cili si pasojë e përplasjes humbi jetën në spital, ju informojmë se:

Specialistët e Policisë Rrugore në DVP Fier bënë arrestimin e  drejtuesit të automjetit, shtetasit M. Ç., 57 vjeç, banues në fshatin Kallm, për veprën penale "Shkelja e rregullave të qarkullimit rrugor".

Specialisët për Hetimin e Narotikëve në DVP Fier arrestuan shtetasin A. D., 30 vjeç, banues në Durrës, pasi gjatë kontrollit, shërbimet e Policisë i gjetën dhe sekuestruan në cilësinë e provës materiale një sasi lënde të dyshuar narkotike e llojit kokainë.

Materialet procedurale i kaluan Prokurorisë për veprime të mëtejshme. “