Aksident në Shkodër-Hani i Hotit, makina merr përpara motorin, dy 14-vjeçarë në spital

Një aksident i rëndë ka ndodhur në aksin “Shkodër-Hani i Hotit”, ku një makinë ka përplasur një motor në të cilin po udhëtonin dy të mitur.

Shkodër/Informacion paraprak/ Në aksin rrugor "Shkodër-Hani i Hotit" automjeti me drejtues shtetasin A. P., 21 vjeç, ka përplasur motomjetin me drejtues një të mitur 14-vjeçar.

Si pasojë janë dëmtuar dy të mitur 14-vjeçarë, që po lëviznin me motomjet, të cilët ndodhen nën kujdesin e mjekëve, jashtë rrezikut për jetën.

Grupi hetimor po punon për sqarimin e rrethanave dhe shkakut të aksidentit.