Aksidentohet autobusi në autostradën Durrës-Tiranë, lëndohet një pasagjer

Foto ilustruese

Një autobus është aksidentuar në orët e para të mëngjesit të sotëm në autostradën Durrës-Tiranë. Sipas policisë, autobusi është përplasur me bordurën anësorë të betonit dhe si pasojë është lënduar një pasagjer.

“Tiranë/Informacion paraprak

Rreth orës 04:33, në autostradën Durrës-Tiranë, në vendin ku devijon rruga për shkak të punimeve, autobusi me drejtues shtetasin, 51 vjeç, është përplasur me bordurën anësore të betonit.

Si pasojë është dëmtuar një pasagjer, shtetasi 56 vjeç, i cili ndodhet në spital, nën kujdesin e mjekëve.

Punohet për sqarimin e rrethanave të aksidentit.”