Aksident në Tiranë, makina humb kontrollin dhe përfundon në trotuar

Mëngjesin e sotëm është raportuar një aksident në Tiranë, ku nuk ka dëme në njerëz. Informacionet e para kanë treguar se drejtuesi i mjetit ka humbur kontrollin e mjetit dhe ka përfunduar në trotuar.

Aksidenti mësohet se ka ndodhur në rrugën kryesore të zonës së Misto Mames. Makina është dëmtuar pothuajse plotësisht në pjesën e parme të saj.

Aktualisht policia ndodhet në vendin e ngjarjes. Nuk dihet shkaku i aksidentit.