Aksident në Tiranë! 41-vjeçari përplas të riun me motomjet, ja gjendja e tij

Një aksident ka ndodhur në Tiranë, ku për pasojë një i ri ka përfunduar në spital.

Mësohet se një 27-vjeçar është përplasur nga një makinë, e cila drejtohej nga një 42-vjeçar. I riu ka qenë duke lëvizur me monopatinë në rrugën e Elbasanit, teksa pas përplasjes raportohet se ka marrë plagë të rënda dhe ndodhet në spital.

Ndërkohë, shoferi 41-vjeçar është arrestuar, teksa policia vijon punën për zbardhjen e plotë të rrethanave të aksidentit.

Njoftimi i policisë:

Specialistët e Komisariatit të Policisë Rrugore arrestuan shtetasin J. B., 41 vjeç, banues në Tiranë, pasi në Rrugën e Elbasanit, duke drejtuar mjetin tip “Jeep”, është përplasur me motomjetin me drejtues shtetasin E. D., 27 vjeç, i cili si pasojë është dëmtuar dhe ndodhet nën kujdesin e mjekëve.