Aksident në Fier–Roskovec, dy makina përplasen dhe përfundojnë në kanal, mbeten dy të plagosur

Një aksident i rëndë është shënuar paraditen e sotme në aksin rrugor Fier–Roskovec, pranë zonës së Zharrëzës. Dy automjete janë përplasur me njëra-tjetrën dhe si pasojë, kanë përfunduar në kanalin anës rrugës.

Nga përplasja janë plagosur dy persona, të cilët janë dërguar me urgjencë në spitalin e Fierit. Deri më tani, nuk ka informacion zyrtar mbi gjendjen e tyre shëndetësore.

Në vendngjarje ndodhen forcat e policisë rrugore, të cilat po punojnë për zbardhjen e plotë të rrethanave të aksidentit. Ndërkohë, qarkullimi në këtë segment është pjesërisht i vështirësuar.