Aksident në aksin “Rrogozhinë-Kavajë”/ Makina përplas dy këmbësorë, arrestohet shoferi

Një aksident është shënuar në aksin rrugor “Rrogozhinë-Kavajë” ku dy këmbësorë janë përplasur nga një automjet.

Policia ka vënë në pranga shoferin, ndërsa dy të plagosurit ndodhen në spital jashtë rrezikut për jetën.

“Specialistët e Qarkullimit Rrugor të DVP Durrës arrestuan në flagrancë shtetasin K. L., 49 vjeç, banues në Durrës, pasi në aksin rrugor “Rrogozhinë-Kavajë”, me automjetin që drejtonte ka aksidentuar shtetasit A. K. dhe Z. K., këmbësorë, të cilët ndodhen në kujdesin e mjekëve, jashtë rrezikut për jetën”, njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.