Aksident i rëndë në Vlorë! Shoferi me “Golf” përplas të moshuarën në vijat e bardha, më pas aksidentohet me “Audin”

Një aksident është regjistruar mesditën e kësaj të marte në qytetin bregdetar.

Burime për mediat bëjnë me dije se aksidenti ka ndodhur në rrugën Transballkanike ku një automjet tip “Golf” ka përplasur një të moshuar e cila ishte duke kaluar në vijat e bardha.

Pasi përplasi 66-vjeçaren, mjeti më pas përfundoi duke u përplasur me një tjetër automjet tip “Audi”.

Si pasojë e këtij aksidenti mësohet se ka mbetur e plagosur 66-vjeçarja e cila fatmirësisht ndodhet jashtë rrezikut për jetën.

Aktualisht ajo është dërguar në spitalin e Vlorës ku dhe po merr ndihmën e nevojshme mjekësore, ndërsa policia është duke punuar për zbardhjen e plotë të rrethanave të këtij aksidenti si dhe vijon proceduarat ligjore për shoferët e përfshirë në këtë ngjarje.