Aksident i rëndë në Borsh, dy persona humbin jetën dhe dy të tjerë dërgohen në spital

Një aksident i rëndë ndodhi sot rreth orës 14:15 në aksin rrugor Borsh – Plazh, ku u përplasën dy mjete, një furgon Benz dhe një automjet Foristradë Benz.

Si pasojë e përplasjes, drejtuesi i furgonit dhe bashkëshortja e tij humbën jetën në vend. Identiteti i bashkëshortes është ende duke u verifikuar nga autoritetet.

Në anën tjetër, drejtuesi i automjetit tjetër dhe një pasagjer u plagosën dhe u dërguan në spitalin e Sarandës për ndihmë mjekësore, ku po marrin trajtim dhe gjendja e tyre po monitorohet.

Në vendngjarje janë angazhuar forca të shumta policore, ndërsa grupi hetimor po punon për të zbardhur plotësisht rrethanat dhe shkaqet e aksidentit.