"5 mijë euro për lirimin e trafikantit", lirohet nga qelia avokati Arben Lena

Gjykata e Posaçme ka vendosur te liroje nga qelia avokatin nga Korça, Arben Lena, i arrestuar për korrupsion.

Juristi Lena do të qëndrojë në masën e ‘arrestit shtëpiak’, deri në përfundim të hetimeve.

Ai u arrestua në janar të këtij viti me dyshimin se do të ndikonte në Gjykatën e Apelit të Korçës për lirimin e një të arrestuari për trafik klandestinësh.

Kreu i Dhomës së Avokatisë, Arben Lena është arrestuar nga SPAK nën akuzën se është i përfshirë në rastin e korrupsionit që u godit në 26 dhjetor 2023, ku 3 persona u lanë në burg, 1 në arrest shtëpie dhe 1 tjetër detyrim paraqitje për tentativën e korruptimit të zyrtarëve publikë në Gjykatën e Korçës me qëllim zbutjen e masës së sigurisë ndaj Bledar Koziçit, i ndaluar për trafikun e paligjshëm të emigrantëve.

SPAK dyshon se skema bente fjale per pagesen e 5 mije eurove me qellim lirimin nga qelia te nje shtetasi të burgosur.