13-vjeçarja shqiptare ra nga kati i 7 i pallatit, dëshmitari habit me deklaratën e tij: E hodhi nga ballkoni i…

Detaje të reja janë mësuar për hetimin për vdekjen e Aurorës, 13-vjeçare, e cila u rrëzua nga tarraca e katit të shtatë të pallatit ku banonte në Piacenza. Një ‘fluturim’ fatal prej rreth dhjetë metrash, i cili përfundoi në oborrin e një apartamenti tre kate më poshtë, bëri që ajo të ndërrojë jetë.

Është një dëshmitare kyçe që ka parë trembëdhjetëvjeçaren me të dashurin e saj më 25 tetor, pak para se të shkaktohej tragjedia. 15-vjeçari u arrestua për vrasje. Dëshmitarja që dha informacione të konsideruara vendimtare për vdekjen e Aurorës tha se kishte parë djalin nën hetim të hidhte vajzën 13-vjeçare nga ballkoni. Kjo dëshmi bëri që karabinierët në Piacenza të arrestonin 15-vjeçarin.

Mëngjesin e sotëm në Gjykatën për të Mitur të Bolonjës është zhvilluar seanca për të dashurin e Aurorës, e cila ka zgjatur rreth një orë e gjysmë. Pak deklarata ka bërë edhe mbrojtësi i 15-vjeçarit, avokati Ettore Maini, në lidhje me përmbajtjen e deklaratave të djalit nën hetim. Avokati u kufizua duke thënë: “U përgjigj, pse duhet të shfrytëzojë të drejtën për të mos u përgjigjur”?