Atentat në Fushë Krujë? Sulmohet me armë zjarri lokali, detajet e para

Plumba drejt një lokali në fshatin Halilaj të Fushë Krujës. Ngjarja ka ndodhur rreth ores 01:30 të mëngjesit.

Persona ende të paidentifikuar kanë qëlluar me armë zjarri, teksa plumbat kanë prekur ambientet e jashtme të lokalit, pranë rrugës Krujë-Fushë Krujë. Menjëherë në vendngjarje kanë mberritur forcat e policisë së Krujës dhe po hetojnë ngjarjen.

Nga kqyerja e ngjarjes, janë gjetur plumba pranë lokalit, ndersa janë shkaktuar dëme.

Policia po ushtron kontrolle, ndërkohë janë sekuestruar kamerat e sigurisë.