“Paratë nën jastëkë”, zbulohet vila e prostitucionit në Durrës, arrestohen katër kineze

Një vilë dy-katëshe në Durrës, e përshtatur për ushtrim prostitucioni este zbuluar se fundi nga autoritetet e rendit.

Policia ka vënë në pranga katër shtetase kineze, ku njëra prej tyre ishte organizatorja. Ndërkohë, është shpallur në kërkim bashkëpunëtorja e saj, shtetase angleze.

Në këtë veprimtari të paligjshme rezultojnë të përfshirë edhe tetë shqiptarë.

Siç shihet edhe në videon e publikuar nga blutë e Durrësit, janë sekuestruar shuma parash që ishin fshehur brenda jastëkëve, celularë apo karta banke.

“Si rezultat i këtij operacioni, në lagjen nr. 13, Plazh, Durrës, u bë arrestimi i shtetases kineze F. Ë., 46 vjeçe, për veprën penale “Shfrytëzimi i prostitucionit”, e cila dyshohet se ishte drejtuese e dhe organizatore e këtij rrjeti prostitucioni. Gjithashtu u arrestuan 3 shtetase të tjera kineze L. M., 55 vjeçe, L. Ch., 49 vjeçe dhe Zh. H., 47 vjeçe, për veprën penale “Prostitucioni”. Në kuadër të operacionit, u proceduan në gjendje të lirë për veprën penale “Prostitucioni”, 2 shtetase kineze dhe 8 shtetas shqiptarë. Gjithashtu, u shpall në kërkim shtetasja K. P., 46 vjeçe, banuese në Mbretërinë e Bashkuar, e dyshuar për veprën penale “Përshtatja e ambienteve për prostitucion”, njofton Policia.

Ndërkohë vijojnë hetimet pasi dyshohet se ka shtetas të tjerë të përfshirë në këtë veprimtari që dyshohet se qendrën e ka jashtë vendit, nga ku kryheshin telefonatat nëpërmjet call centerit.