Cfarë po ndodh me internetin dhe sinjalin TV të Vodafone, ankesat e qytetarëve nga gjithë Shqipëria

Shumë qytetarë kanë denoncuar ditën e djeshme ndërprerjen e shërbimit të internetit në mënyrë të papritur në rrjetin fiks të Vodafone Albania.

Në Tiranë e jo veëm, ditën e djeshme qytetarët nuk patën akses në internet nga ora 16.30 deri në 19.30. Publikimi i denoncimit të qytetarëve u pasua me konfirmimin e shumë të tjerëve që kishin të njëjtin problem.

“Vodafone” lë klientit pa internet fiks në Tiranë, “bien” edhe thirrjet telefonike 

Redaksia i falenderon të gjithë ata që na korektuan informacionin fillestar që ne kishim për probleme në Tiranë, pasi shumë prej qytetarëve që na shkruan ishin nga rrethet dhe thanë se kanë pasur edhe ata probleme me ndërprerjen e shërbimit.

Ndërkohë ditën e sotme, në qytetar nga Vlora në shkruan se ndërprerja e shërbimit nga Vodafone është kthyer në një fenomen kohët e fundit.

Në faqen e tyre në rrjetet sociale klientët e Vodafone po ankohen ndërkohë edhe publikisht, jo vetëm për internetin por edhe për sinjalin TV.

Një tjetër qytetar që nuk ka shërbim, konfirmon anomalinë tjetër të pazakontë të Vodafone tek e cila “nuk ke ku të ankohesh”.

Tobi, roboti i tyre automatic që e kanë lënë tu përgjigjet mesazheve dhe ankesave më shumë të ngatërron sesa të ndihmon me përgjigjet e tij.