“Vodafone” lë klientit pa internet fiks në Tiranë, “bien” edhe thirrjet telefonike

Shërbimi fiks i internetit i kompanisë Vodafone pësoi pasditen e sotme një ndërprerje të papritur të paktën në qarkun e Tiranës. Situata sipas qytetarëve ka qenë e pa lajmëruar dhe e pa shoqëruar me asnjë njoftim apo sqarim, nga kompania Vodafone ne sherbimin fiks (ish-Abcom).

Rreth orës 16.30 përdoruesit kanë pasur probleme me sinjalin dhe më pas, qasja në internet ka humbur.

Problemi ka vijuar deri në momentet e publikimit të këij artikulli në orën 18.05.

Imazhi i derguar nga nje prej qytetareve qe kontaktoi redaksine

Kompiuerat dhe telefonat e përdoruesve lidheshin me pajisjen e sinjalit VVireless por aksesi në internet nuk funksiononte dhe faqet nuk hapeshin.   

Qytetarët që njoftuan për këtë situatë, thanë se kanë kryer rifillimin e pajisjeve të tyre të rrjetit, por sërish lidhja me internetin nuk ka funksionuar.

Një përdorues i rrjetit në fjalë, tha se tentoi të telefononte kompaninë për të marrë informacion për shkakun e problemit, por edhe numri i tyre fiks, mesa duket ishte jashtë funksionit, pasi askush nuk u përgjigj në numrin +35544500139 e madje, thirrja nuk shkoi fare as në sekretarinë telefonike.

Kjo situatë mesa duket sinjalizon për një problem edhe më të madh të kompanisë në fjalë e cila mesa duket ka humbur qasjen në rrjet edhe sa i përket sinjalit telefonik deri në orën 18.05.

Një verifikim i redaksisë tregoi se në orën 18.10 shërbimi ishte rikthyer të paktën në disa prej linjave të internetit në kryeqytet, dhe më pas u ndërpre sërish.

Thirrja në numrin  +35544500139 kësaj radhe mori përgjigjen se “shërbimi ishte jashtë funksionit për arësye teknike”.