U akuzua se ofendoi arbitrin, ja çfarë vendimi ka marrë Disiplina për Olsi Ramën

Post sfida Teuta-Partizani prodhoi jo pak zhurmë, rezultati që morën të kuqtë dhe ajo çfarë ndodhi në pushimin e ndeshjes, ku gjyqtari i takimit në raportin e tij theksoi se është ofenduar nga Olsi Rama, nuk ka pasur pasoja për drejtorin e Partizanit.

Komisioni i Disiplinës e ka kaluar thjeshtë me një vërejtje, në rast përsëritje do të jetë subjekt i masave disiplinore:

“Zyrtari i FK Partizani, Olsi Rama, në bazë të nenit 12 të KDS, paralajmërohet se në rast të përsëritjes së sjelljes josportive ndaj zyrtarëve të ndeshjes, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF, lexohet në vendimin e Disiplinës.