Shoku i ngushtë i Ronaldos flet për largimin e tij: Ka lënë një dritare hapur

Vijojnë zërat se Cristiano Ronaldo mund të largohet nga Juventus, ndërsa të dyja palët e mohojnë. Së fundmi është pyetur portieri i tretë i Juventusit, Carlo Pinsoglio, i cili është edhe miku më i afërt i sulmuesit te Juventusi. Për gazetën “Tuttosport”, ai duket i bindur në qëndrimin e CR7 në Torino, por e lë një dritare hapur:

 “A do të qëndrojë ai vitin e ardhshëm? Nuk e di, shpresoj që po. Ka akoma edhe një vit kontratë. Nëse nuk ndodh diçka e çuditshme, mendoj dhe shpresoj të qëndrojë”, tha ai.

Kujtojmë se më herët, Real Madrid e mohoi se ylli portugez mund të rikthehet në Madrid.