Shkëlqen Kristjan Asllani, Interi shënon 5 gola në pjesën e parë kundër Veronës

Ekipi i Interit është kthyer në formën më të mirë në kampionat pas pauzës së kombëtareve, duke triumfuar me rezultatin e thellë përballë Veronës 0-5.

Sfida nisi mjaft mirë për zikaltërit ku pas 25 minutash shënuan tre herë me Correan dhe Thuram.

Në minutën e 31’, ishte momenti i Kristjan Asllanit për të lënë “gjurmën” e tij në këtë takim, duke asistuar De Vrij në golin e katërt.

Pas 10 minutash, ishte Bisseck që shënoi dhe golin e pestë, duke siguruar tre pikët për zikaltrit që në pjesën e parë.

Në të dytën, ekipi i Inzaghit uli “marshin”, duke mos shënuar më, teksa momentalisht ruajnë kreun e renditjes me 28 pikë, por me një ndeshje më shumë se rivalët.

REZULTATI:

VERONA 0-5 INTER

GOLAT: Correa 17’, Thuram 22’, 25’, De Vrij 31’, Bisseck 41’