Ronaldo e lë Torinon, largon të gjithë makinat nga garazhi

Cristiano Ronaldo duket se është larguar nga Torino. Mediat italiane shkruajnë se ylli portugez ka larguar të gjitha makinat e veta personale nga garazhi në Torino, duke i ndezur thashethemet për një lamtumirë këtë verë. Prej muajsh flitet se Ronaldo do largohet nga Juventus dhe kjo ka të bëjë me mospërshtatjen e tij në Serinë A dhe që u la jashtë Champions League.

E ëma e tij, Dolores Aveiro, tha ditë më parë se do të bëjë përpjekje për ta bindur 36-vjeçarin të rikthehet në Lisbonë thatë verës, por menaxheri Jorde Mendes e mohoi se portugezi do të rikthehet në atdhe. Por sipas një video të publikuar nga Sempre Calcio, Ronaldo i ngarkoi supermakinat e veta në një kamion.Kamioni i takon Rodo Cargo, një kompanie të njohur të transportit me bazë në Lisbonë dhe në të u ngarkuan makinat e Ronaldos nga garazhi i tij në Torino.

Mbërritja e këtyre makinave në Torino më 2018 ishte shenjë e madhe për kalimin e Ronaldos në Juventus dhe fakti se ato makina tani po largohen në Torino mund të nënkuptojë se edhe Ronaldo po largohet nga Serie A.