“Realizova një ëndërr, të garoj me ngjyrat e kuqe”, Hamilton zyrtarisht pjesë e Ferrarit

Lewis Hamilton tashmë është larguar zyrtarisht nga ekipi i Mercedes-Benz në Formula 1. Garuesi britanik tashmë është pjesë e ekipit të Ferrarit duke filluar nga sot.

40-vjeçari mbërriti ditën e sotme në selinë e “Cavallino” për të nisur zyrtarsisht aventurën e tij me ngjyrat e kuqe. “Ka ditë që e dini se do t’i mbani mend përgjithmonë dhe sot, si piloti i Ferratit, është një nga ato ditë.

Kam pasur fatin të arrij objektivat në karrierën time. Një pjesë e imja ka ëndërruar gjithmonë që një ditë të garoj me ngjyrat e kuqe. Nuk mund të isha më i lumtur ta realizoja këtë ëndërr sot”, shprehet Hamilton në rrjetet e tij sociale.