Partizani dominon Skënderbeun në “Air Albania”, arrin finalen e “Final 4”

Partizani është skuadra e parë finaliste e “Final Four” teksa ka mposhtur me rezultatin 1-0 Skënderbeun.

Në “Air Albania” të kuqtë e Orges Shehit u shfaqën dominues ndaj korçarëve duke mos e vënë në diskutim për asnjë moment fitoren.

Bintsuka dhe pjesa e tjetër e ekipit shpërdoruan shumë përpara porte duke bërë që pjesa e parë të mbyllej në barazim pa gola.

Me fillimin e pjesës së dytë, Rrapaj futi një kros perfekt në zonë aty ku Bintsuka me kokë dërgoi topin në rrjetë duke i dhuruar avantazhin Partizanit.

Skënderbeu ishte i pafuqishëm për të reaguar, ndërsa Partizani vuajti shumë për të “vrarë” këtë gjysmëfinale.