Ndërron jetë gjatë ndeshjes miqësore ish-futbollisti Fredi Mërkuri

Ish-portieri i njohur, Fredi Mërkuri ndërroi jetë ditën e sotme gjatë një ndeshje miqësore ndërmjet lojtarëve të viteve ‘80-90, sfidë ndaj një skuadre veterante nga Greqia, të organizuar nga Butrinti.

Mërkuri ra përtokë në 5 minutat e fundit të ndeshjes.

Ai do mbahet mend për kontributin e dhënë për klubin e Butrintit.

Njoftimi i policisë:

Sarandë/Informacion paraprak

Rreth orës 18:10, në stadiumin “Andon Lapa”, duke luajtur gjatë një ndeshjeje miqësore futbolli, ka humbur jetën, dyshohet për shkaqe natyrale, shtetasi F. M., 62 vjeç, ish-futbollist.

Grupi hetimor ndodhet në vendngjarje dhe po punon për sqarimin e rrethanave të ngjarjes.