Itali, babai i sulmuesit të kombëtares shqiptare hyn në fushë dhe godet portierin kundërshtar

Ndeshja Cesena 1-0 Olbia, në javën e 20-të të grupit B të Serisë C u shoqerua me nje ngjarje absurde.

Ndeshja u vendos nga goli i Corazza në minutën e 19-të, por përjetoi një fund të tensionuar, kur babai i Cristian Shpendit, sulmuesit të Cesenas dhe Kombëtares U-21 të Shqipërisë, hyri në fushë nga tribuna për të tentuar të sulmonte portierin sard Filippo Rinaldi.

Babai i sulmuesit mbërriti me vrap drejt qendrës së fushës, ku disa lojtarë dhe drejtues po bisedonin pas ndeshjes.

Në atë moment ai ra në kontakt me Rinaldin dhe e godet me të djathtën në fytyrë. Agresori u ndal menjëherë nga Riccardo Chiarello, mesfushori i Juventusit dhe anëtarë të tjerë të pankinës së Cesenas.

Zemërimi i babait të Shpendit shpërtheu pasi portieri Rinaldi i kishte dhënë një goditje të rëndë djalit të tij gjatë ndeshjes, me sulmuesin e Cesenas që u detyrua të largohej (minuta 85) për shkak të një dëmtimi të rëndë në vetull.

Mediat italiane raportojnë se presin raportin e arbitrit dhe verdiktin e gjyqtarit sportiv, por Cesena mund ta humbasë ndeshjen. E pabesushme ajo që bën prindi shqiptar në Itali, me Cristianin që është vëllai binjak i Stiven Shpendit që luan në Serie A me Empolin./shqiptarja