Futbollistet humbën ndjenjat në fushë gjatë ndeshjes në Kamzë, policia: Nuk u helmuan nga ushqimi, por...

Policia ka përgënjeshtruar lajmin e publikuar në media se disa futbolliste janë helmuar nga ushqimi. Sipas policisë pas verifikimeve të kryera rezulton se futbollistet kanë shfaqur probleme shëndetësore si  pasojë e shqetësimeve të mëparshme. 

Kujtojmë që sot në Kamzë, gjatë përballjes me Partizanin, 6 futbolliste të Bilishtit kanë pasur gjendje të fikti në fushë, ndërsa dy prej tyre në gjendje më të vështirë, janë transportuar menjëherë në spital.

Sqarimi i policisë

Në lidhje me një lajm të publikuar në rrjetet sociale për disa futbolliste të cilat dyshohen se janë helmuar nga ushqimi, ju bëjmë me dije se :

Pas verifikimeve paraprake të kryera nga sherbimet e Policisë të Komisariatit Nr.5 ka rezultuar se futbollistet kanë shfaqur probleme shendetsore si pasojë e shqetësimeve shëndetësore të mëparshme. Vijon puna për zbardhjen e plotë të rrethanave të ngjarjes.