Formula 1/ 'Krisen' marrëdhëniet, Verstappen sulmon Russellin: Ka humbur respektin tim

Katër herë kampioni i botës në Formula 1, holandezi i Red Bull, Max Verstappen fitoi garën e fundit, atë për Çmimin e Madh të Katarit; kjo një javë pasi siguroi titullin kampion për pilotë në këtë sezon.

Verstappen foli për atë që ndodhi në kualifikueset në 'Lusail' me episodin që e pa atë të përfshirë me britanikun e Mercedes, George Russell.

"Ai ka humbur respektin tim, ai sillet kaq bukur para kamerave dhe më pas te Komisarët e pistës është një person tjetër”. Russell u kishte vënë në dukje Komisarëve të pistës se Max kishte ngadalësuar në Q3, duke penguar kështu xhiron e tij të nisjes.

Më pas erdhi penalizimi "për ecje të panevojshme të ngadaltë" e cila ia hoqi nisjen nga vendi i parë Red Bullit, duke ia dhënë Russell, që u nisi në 'pole-position'.

"Nuk mund ta pranoj. Ai bëri gjithçka që të më penalizonte. Nuk kisha parë kurrë një sjellje të tillë nga një koleg", shtoi Verstappen.