Festoi fitoren dhe ditëlindjen, çunat e Kombëtares i bëjnë surprizë Rejas

Trajneri Kombëtares Shqiptare, Edi Reja feston ditëlindjen e 76 ditën e sotme, dhe dhurata më e bukur që mori, ishte fitorja ndaj Hungarisë.

Mësohet se çunat e ekipit kanë pasur dy sebepe që të festojnë në orët e para të ditës së sotme.

Me fishekzjarrë, muzikë dhe tortën e veçantë me flamurin kuq e zi, gjithë ekipi kanë kënduar “Shumë urime për ty” në gjuhën italiane për Reja-n.

Shumë gëzim është parë në fytyrën e tij, ndërsa nuk kanë munguar puthjet e përqafimet nga grupi.

Broja ishte ai që i dha fitoren Kombëtares në minutën e 80.