“Anglinë në finale nuk e çoi Kane dhe Sterling, por Boris Johnson”

Italia ka përhapur një teori konsirative, lidhur me fituesin e Euro2020. “Gazzetta dello Sport”, shkruan se Harry Kane apo Raheem Sterling nuk e kanë ndihmuar Anglinë që të fitojë kundër Danimarkës në Euro 2020, por kryeministri Boris Johnson.

“Penalltia shumë zemërgjerë, e cila ia lejoi ekipit të Southgate që ta mposhtë Danimarkën, i vërteton dyshimet për shkëmbimin e favoreve me Boris Johnson-in, që cilësohet si shpëtimtar i futbollit evropian pas sulmit që bëri nga Super Ligës”, shkroi kjo gazetë.

Disa tifozë italianë pretendojnë se UEFA e favorizon Anglinë dhe po e ndihmon këtë shtet që ta fitojë kampionatin evropian të futbollit, sepse kryeministri Johnson ndërhyri që ta bllokojë krijimin e Super Ligës, e cila do të ishte rivale e garës së UEFA-s, Ligës së Kampionëve.

Penalltia e kontestuar në vazhdime kundër Danimarkës është dëshmi që UEFA ishte në anën e Anglisë, tha dikush që përmes rrjeteve sociale pretendoi se fitorja e Anglisë në këtë garë është parashikim i sigurt.

Pasi kryeministri britanik u zotua se do t’i bllokojë ekipet angleze të futbollit që të garojnë në ligën e re, Aleksander Ceferin, president i UEFA-s, e çmoi qeverinë britanike, duke thënë se është i magjepsur nga efikasiteti i saj.