VIDEO/ Nga “syri digjital” tek “epidemia” e miopisë: Çfarë po ndodh me shikimin tonë?

Në një epokë ku dominojnë ekranet, drita artificiale dhe stimulimi konstant digjital, sytë tanë po përjteojnë një nga transformimet më të shpejta shëndetësore. Problemet e shikimit, di]ka që më parë ishin pasojë e natyrshme e plakjes, sot po shfaqen tek fëmijë të moshave gjithnjë e më të vogla.

Në këtë episode të Apostrof Podcast, mjekja okuliste Dr. Zana Zhuka analizon krizën në rritje të përkeqësimit të shikimit, ndërsa shpjegon se përse rritja e miopisë sot po konsiderohet si një shqetësim serioz shëndetësor. Ajo shprehet se, ve] “dritës blu,” ekspozimi për kohë të gjatë ndaj ekraneve shkakton tharje të syve, miopi progresive dhe sindromin që shpesh cilësohet si “syri digjital.”

Gjatë bisedës, një vëmendje e ve]antë i kushtohet rritjes së rasteve të miopisë tek fëmijët dhe adoleshentët, që në disa raste ekstreme mund të rrisë rrezikun e dëmtimit të retinës, duke shkaktuar komplikacione afatgjata.

A janë në gjendje sytë tanë që të përshtaten në mënyrë biologjike me momentin në të cilin jetojmë, ku vëmendja njerëzore po dominohet gjithnjë e më tepër nga ekranet e smartfonëve, kompjuterave dhe mjediset artificiale?

Mesazhi i specialistëve është mëëse i qartë: vetëdijësimi është më i rëndësishëm se sa paniku. Ekzaminimet rutinë, aktiviteti fizik në natyrë dhe ndërhyrhja e hershme mund të përcaktojnë se sa mirë ose sa keq do mund ta shohin brezat e ardhshëm botën që do të trashëgojnë.