Temperatura të larta dhe kthjellime, ja parashikimi i motit për ditën e sotme

Moti në vendin tonë për ditën e sotme do të ndikohet nga alternime kthjellimesh dhe vranësirash të lehta. Sipas MeteoAlb, në orët e para të ditës, në skajin verior dhe juglindor do të ketë alternime kthjellimesh dhe vranësirash të lehta.

Në pjesën e dytë të ditës parashikohet të sjelli largim të vranësirave edhe nga këto zona duke bërë që moti me diell të jetë dominues në republikën e Shqipërisë. Edhe nata vijon në të njëjtat kushte atmosferike.

Temperaturat e ajrit rriten lehtë në vlerat minimale, por ulen lehtë në vlerat maksimale duke u luhatur nga 11°C në verilindje deri në 32°C në zonat e ulëta. Era do fryjë mesatare dhe herë pas herë forcohet në det me shpejtësi 40 km/h nga drejtimi Jugor duke gjeneruar në det dallgëzim 4 ballë.