Hajduti gjen gruan duke fjetur lakuriq pasi hyri për të vjedhur shtëpinë

Daily Mail publikoi momentin kur një hajdut hyri ne banese dhe u perball me një grua ndërsa ajo flinte lakuriq në shtëpinë e saj në Costa del Sol në Spanjë.

Pronarët e shtëpisë, Pilar dhe Alex, zbuluan se ishin grabitur pasi 300 euro u zhdukën nga shtëpia e tyre në Marbella më 2 qershor.

Cifti hapi kamerat e sigurisë, dhe vune re pamjet qe treguan se si një hajdut i maskuar qëndronte mbi shtratin e tyre ndërsa ata flinin.

Pamjet e cilat u publikuan nga çifti, tregojne hajdutin duke u kthyer disa herë në dhomën e çiftit për 32-minuta, aqsa ai dukej se ishte i fiksuar te Pilar duke drejtuar disa herë dritën tek ajo.

“Ai hyri në dhomën tonë të gjumit 8 herë për të parë pjesët e mia intime”, – tha ajo për mediat lokale pasi vendosi të publikonte pamjet me shpresën për të kapur grabitesin.

Policia po analizon pamjet e sigurisë për të identifikuar të dyshuarin, por ende nuk janë bërë arrestime.

Hajduti ka marrë 300 euro nga shtëpia e çiftit, por nuk ka vjedhur asnjë send tjetër me vlerë, duke e bërë Pilar të besojë se qëllimet e tij nuk ishin të grabiste. Djali 18-vjeçar i Pilarit po flinte gjithashtu në dhomën ngjitur në momentin e incidentit.

“Ai burrë nuk erdhi në shtëpinë time për të vjedhur, ai erdhi për të më bërë diçka”, tha ajo për mediat lokale.

“Isha vetëm natën e kaluar. Po sikur të kishte ardhur atëherë?”. Partneri i saj Alex tregoi se si Pilar “ndihej e dhunuar” dhe e quajti hajdutin një “grabitqar të sëmurë”.

Pilar ka treguar gjithashtu se si kjo përvojë e tmerrshme e ka prekur psikologjikisht dhe përshkroi se si tani vuan nga ankthe të përsëritura dhe duhet të flejë me të gjitha dyert dhe dritaret e mbyllura. Ajo po i nënshtrohet trajtimit psikologjik për t’u përballur me traumën që ka pësuar.

Artikullin rigjinal e gjeni ketu