“Ekonomia” diskuton pagat në drejtësi, socialistët bëjnë propozimin e tyre për masën e rritjes

Pas gjithë kaosit të shkaktuar gjatë ditëve të fundit, komisionet parlamentare nisën diskutimet për rritjen e pagës së magjistratëve.

Në Komisionin e Ekonomisë, socialistët propozuan formulën e tyre për rritjen e rrogës së gjyqtarëve dhe prokurorëve.

“Zgjedhja e modelit të formulës është në diskrecionin e qeverisë. Paga referuese bazë është ndryshmi i parë, të kalojë nga 0.36 në 0.38 të pagës së Presidentit. Kjo rrit të gjithë bazën. E kemi zgjedhur si rezultat i një vlerësimi të mundësive financiare të shtetit”, tha Aulona Bylykbashi, deputete propozuese.

“Kostoja është e pranueshme, jemi dakord”, u shpreh Mimoza Dhëmbi, përfaqësuese e ministrisë së Financave.

Përtej shkallës së rritjes së pagës, diskutimet në komision u përqendruan te çështja e kompentencave për të marrë vendime të tilla.

“Ata të KLGJ dhe KLP të vijnë këtu dhe të kërkojnë ndjesë për deputetët që ka atributet kusdhtetuese përcaktimin e rrogave të tyre. Vendimi i tyre ka marrë kompentenca të drejtpërdrejta të deputetëve të Kuvendit të Shqipërisë. Akti i tyre nuk ka bazë ligjore, por është edhe akt i kallëzueshëm”, tha Erion Braçe, deputet i PS.

“Ngërç dhe situatë e pajustifikuar, përplasje sepse qeveria ka refuruzar për vite të tëra të zbatojë vendimet e GJK. Veçanërisht detyrimi i fundit ku GJK i kërkonte kuvendit të vinte me zgjidhjen e tij ligjore për pagën e gjyqtarëvd dge prokurorëve. Ne na mungon fatyra e plotëfinanciare e këtij projektligji. Këshilli i legjislacionit mori vendimin që ta përcjellë këtë çështje te qeveria shqioptare. Kuvendi përcolli këtë çështje te qeveria. Moskokëçarja e qeverisë na ka sjellë në këtë situatë”, tha Enno Bozdo, deputet i PD.

Në fund të diskutimeve, propozimi i socialistëve për formulën e rritjes së pagave për magjistratët mori 8 vota pro nga vetë deputetët e mazhorancës, ndërsa opozita u largua.