41 kg k0kainë u kapën në Portin e Durrësit, kompania që kishte porositur mishin rezulton “AMG Food”

Detaje të reja kanë dalë nga operacioni i policisë ditën e sotme në Portin e Durrësit, ku në kontejnerët me mish pule që kishin ardhur nga Brazili në Portin e Durrësit u sekuestruan 41 kg e 350 gramë kokainë me një vlerë tregu prej rreth 2 milionë euro.

Burime për MCN, bëjnë me dije se kompania e cila kishte porositur mishin e pulës dhe ku u gjeten 41 kg kokaine i përket AMG Food, DIMAL me pronar Arben Goxhaj.

Gjatë kontrollit të kontejnerit, në kapakët e jashtëm të tij u konstatuan 37 paketime me kokainë.