Çdo dhimbje e kokës ju drejton tek një sëmundje, ja çfarë tregojnë mjekët

Soft

Çdo dhimbje e kokës ju drejton tek një sëmundje, ja

Dhimbjet e kokës tregojnë shumë për shqetësimin që trupi yt ka, duke të paralajmëruar për një sëmundje. Ndërkaq, mjekët shpjegojnë se dhimbja e kokës mund të jetë simptomë e një çrregullimi organik por edhe shenjë e një problemi më të komplikuar.

Dy lloje të dhimbjes së kokës; Ekspertët shpjegojnë se njerëzit mund të vuajnë nga një ose dy lloje të dhimvjeve të kokës. Bëhet fjalë për dhimbjet si pasojë e tensionit të gjakut në të dyja rastet, i ulët apo i lartë, ose ato si pasojë e enjtjes së enëve të gjakut përreth kokës.

Ndonjëherë, këto dhimbje tregojnë se një aspekt i përditshmërisë suaj po shkakton stres ose lëndim të organizmit. Ushqyerja e pamjaftueshme, dehidratimi, pozicionimi i keq i trupit dhe lodhja e syve janë disa prej shkaktarëve të dhimbjeve të kokës. Ekspertët thonë se nëse njeriu përballet me dhimbje të shpeshta të kokës duhet të frenohet nga dëshira për të marrë ilaç dhe të hetojë arsyet e dhimbjeve. Studentët për shembull përballen shpesh me dhimbje të vazhdueshme të kokës sepse nuk janë të rregullt me ushqimin.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Dhimbjet e migrenës ndryshojnë nga dhimbjet e zakonshme të kokës. Njerëzit që vuajnë nga migrena shprehen se ndihen sikur kanë një çekan në kokë që godet në mënyrë të përsëritur. Dhimbjet e migrenës zakonisht janë në një anë të kokës dhe shoqërohen me të përziera.

Shenjat paralajmëruese të migrenës janë të shumëta dhe zakonisht përfshijnë:
Turbullim të shikimit; Vështirësi në artikulim; Aromë të paqenë portokallesh; Konfuzion; Të përziera; Mungesë oreksi; Ndjeshmëri e lartë ndaj dritës së fortë dhe zhurmave.

Nxitësit e dhimbjeve të migrenës nga ana tjetër ndryshojnë në varësi të individit, por më të përhapurat janë: Ushqime të caktuara; Aroma të forta; Depresioni, ankthi dhe probleme me humorin; Shmangia e marrjes së ilaçeve në kohë; Niveli i ulët i sheqerit në gjak; Ndryshimet e papritura të motit; Dritat e forta; Ndryshimet hormonale.
Nëse përjetoni 3 ose 4 dhimbje koke në javë dhe merrni doza të larta ilaçesh kundër dhimbjes, duhet të shkoni tek mjeku sa më parë./AgroWeb

 

ME TE LEXUARAT