Dëgjoni muzikë sapo të zgjoheni mëngjes, ja të mirat që sjell

Të gjithë dëgjojmë muzikë dhe ndikon direkt në gjendjen tonë emocionale. Mjekët, spikologët tregojnë se dëgjimi dhe këndimi është shumë e shëndetshme për njerëzit, ndërsa sugjerohet që çdo mëngjes ta nisim ditën me këtë aktivitet.

Muzika ul nivelet e kortizolit. Ju mund të ndiheni më pak të stresuar duke dëgjuar këngën tuaj të preferuar, sipas një studimi. Hormoni i stresit, kortizoli, do të ulet dhe shpejt do të rikuperoheni nga diçka që ju shkakton stres.

Muzika rrit nivelet e dopaminës. Humori juaj ndryshon sapo dëgjoni një melodi. Muzika mund të nxisë prodhimin e hormonit dopamine, i cili është një nga hormonet përgjegjëse për lumturinë, që lidhet drejtpërdrejtë me kënaqësinë.

Muzika nxit kujtimet. Muzika mund t’ju ndihmojë të mbani mend më shumë, pa marrë parasysh nëse ju pëlqejnë meloditë optimiste ose më të ngadalta. Funksioni juaj njohës do të përmirësohet sapo të vendosni një këngë, dhe me kalimin e kohës, do të përfitoni nga një kujtesë më e fortë, sipas një studimi. Dhe kur formohen kujtime, grupe të caktuara të neuroneve riaktivizohen.

Rrit sistemin imunitar. Dëgjimi i muzikës mund të forcojë sistemin tuaj imunitar. Tingulli i melodive ndihmon trupin të prodhojë më shumë antitrupa dhe qeliza natyrore vrasëse. Këto qeliza mund t’ju ndihmojnë të sulmoni çdo virus që mund të kontraktohet.

Zvogëlon mërzinë. Duket se zhurma për të cilën zgjoheni kontribuon ndjeshëm në gjendjen tuaj shpirtërore, sipas një studimi. Nëse zgjoheni me një tingull melodik, do të përjetoni nivele më të ulëta të mërzisë në mëngjes, do të zgjoheni më shpejt dhe do të jeni më vigjilent. Në thelb, do të ketë një efekt energjik. Alarmet mund të mos ju japin të njëjtin rezultat.

Rrit kreativitetin. Para se të drejtoheni në tavolinën e punës, vendosni kufjet dhe dëgjoni pak muzikë, veçanërisht melodi të lumtura. Duket se ky lloj triku do t’ju bëjë më krijues. Nëse e filloni ditën tuaj duke qenë më produktivë dhe më kreativë, padyshim do të ndiheni më mirë me veten.