Avokado për të hequr barkun, ja çfarë tregojnë studimet

Avokadot rekomandohen që të jenë gjithmonë në kuzhinën tuaj. Sipas studimeve, avokado është si molla, konsumimi i saj çdo ditë, e mban mjekun larg. Ndërkohë, avokado ka edhe një tjetër “fuqi” që të gjithë e kërkojnë.

Një studim i botuar në The Journal of Nutrition, tregon se avokado mund ta largojë yndyrën kokëfortë të barkut. Hulumtuesit donin të shihnin efektet e avokados te njerëzit që ishin mbipeshë. Në vend që të shikojnë thjesht humbjen e peshës, megjithatë, ata ishin më të interesuar nëse fruti mund të ndikonte në shpërndarjen e yndyrës në trup.

Për ta bërë këtë, ata kryen një eksperiment të kontrolluar ku gjurmuan 105 pjesëmarrës gjatë 12 javëve. Subjektet hëngrën normalisht, përveç një grupi që konsumuan një vakt ditor nga studiuesit që përmbante një avokado në të, ndërsa grupi i dytë mori të njëjtin vakt por pa avokado.

Deri në fund të periudhës tre mujore, studiuesit zbuluan se gratë që hëngrën një avokado çdo ditë panë një sasi të reduktuar të yndyrës të barkut, një lloj yndyre në bark që mund të çojë në probleme më serioze shëndetësore sesa yndyra që grumbullohet në pjesë të tjera të trup. Yndyra e barkut mund të rrisë rrezikun e sëmundjeve të zemrës, diabetit të tipit 2, goditjes në tru, Alzheimer, kancerit të gjirit dhe disa probleme të tjera kërcënuese për jetën nëse nuk trajtohen.

Studiuesit ende po përpiqen të analizojnë pse avokadot kishin një ndikim kaq të rëndësishëm në ruajtjen e yndyrës në bark te gratë. “Hulumtimi ynë jo vetëm që hedh dritë të vlefshme mbi përfitimet e konsumit ditor të avokados mbi llojet e ndryshme të shpërndarjes së yndyrës në gjini, por na siguron një bazë për të kryer punë të mëtejshme për të kuptuar ndikimin e plotë të avokados në yndyrën dhe shëndetin e trupit”, shpjegoi bashkautori i studimit Richard Mackenzie, profesor i metabolizmit njerëzor në Universitetin e Roehampton. /Telegrafi