“Zhduku, bën si e shkathët…"/ Aktori i Portokallisë denigron Danjën para banorëve, si reagoi modelja!

Sfida e mos reagimeve ka vijuar edhe ditën e sotme në shtëpinë më të famshme në Shqipëri, “Big Brother VIP 4”.

Kësaj sfide për banorët i është bashkuar aktori i njohur i “Portokallisë”, Juxhin Plovishti, i cili imiton Vserlon në spektaklin e madh të humorit. Edhe në shtëpinë e BBV 4 hyri me rolin e banorit.

Vërsëllonja ka nisur menjëherë me ngacmimet ndaj banorëve. Në një moment ai shkoi pranë Danjës, e cila ishte e ulur te divani blu në living.

“O Danja, o femër absurde. Hë mi, a të qeshet? Hë, ça ke? Hë mi fol se kështu bën si e shkathët, t’u qep goja, zhduku, zhduke”, i thotë aktori.

Danja nuk reagoi në asnjë moment dhe u çua nda divani vetëm kur Vërsëllonja u largua prej saj.