VIDEO/ Kërcënoi me armë gruan në sy të fëmijës, arrestohet këngëtari i njohur, sherri transmetohej live në Tik-Tok

Këngëtari i njohur amerikan Ray J është arrestuar në Los Angeles, pasi akuzohet se i ka drejtuar armën ish-bashkëshortes së tij, Princess Love, gjatë një konflikti të ashpër familjar që u transmetua drejtpërdrejt në rrjetet sociale, duke tronditur ndjekësit.

Sipas TMZ, ngjarja ndodhi më 27 nëntor dhe artisti 44-vjeçar u ndalua për “kërcënim për kryerjen e një vepre penale”. Ai u dërgua në burgun e LA-së dhe u la i lirë të njëjtën ditë pasi pagoi 50,000 dollarë garanci.

Pamjet live që po qarkullojnë në rrjet tregojnë momentet kur debati mes tyre del jashtë kontrollit. Love shfaqet në kamera duke mbajtur vajzën e tyre, ndërsa Ray J dëgjohet duke e akuzuar se kishte ngarë makinën në gjendje të dehur. Çifti ka dy fëmijë të mitur: një vajzë 7-vjeçare dhe një djalë 5-vjeçar.

Në një moment, Love dëgjohet duke thënë: “Ray, sapo na drejtove armën.”

Ndërsa ai i përgjigjet: “Nuk të drejtova asgjë.”

Konflikti tensionohet edhe më shumë kur Princesha thotë se ka njoftuar policinë, duke marrë këtë reagim të frikshëm nga këngëtari:

“Do t’i qëlloj policët e mallkuar!”

Në video, Ray J shihet më pas duke mbajtur një armë dhe duke deklaruar:“Nëse këta djem i afrohen kësaj dere, do ta hedh në erë atë dreqin, vëlla.”

TMZ raportoi se këngëtari e nisi transmetimin e tij live duke thënë se po përjetonte “Falënderimet më të këqija në botë”, ndërsa gjatë gjithë videos, debati mes tij dhe ish-bashkëshortes përshkallëzohet, me akuza të ndërsjella për vozitje në gjendje të dehur, abuzim dhe kërcënime.

Ngjarja po shkakton reagime të shumta në rrjet, ndërsa policia e Los Angelesit pritet të japë detaje të tjera mbi hetimet.