Video/Çfarë po paralajmëron Noizy? Reperi fut dhinë në “Ferrari” dhe niset drejt…

Reperi Noizy, do të jetë personazhi “VIP” i radhës në reality shown “Ferma Vip” që do të shfaqet së shpejti në ekranin e ‘Vizion Plus’. Në një video të publikuar nga “Ferma Vip”,  Noizy prezantohet ashtu siç kurrë nuk e kemi parë, por aspak të pazakontë për formatin e emisionit, ku do të bëjë pjesë ai së bashku me VIP-at e përzgjedhur.

Me këngën “100 kile” në sfond dhe me “Ferrarin”e tij të kuq, këngëtari ka tërhequr vëmendjen e të gjithë fansave të tij me mënyrë e prezantimit. Në supermakinën e tij, Noizy për çudinë e të gjithëve nuk ka një modele siç shfaqet fillimisht, por një dhi.

Moderimi i spektaklit do t’i besohet aktorit Bes Kallaku dhe modeles Adrola Dushi. VIP-at shqiptarë duhet të kujdesen për kafshët e fermës si dhe të bëjnë ‘punët e fshatit’.  “Ferma VIP” thuhet se do të vijë në ekran në muajin Mars me plot dy kanale të dedikuara 24 orë.

Deri tani janë zbuluar disa nga emrat e VIP-ave që do jenë pjesë e këtij programi nga producentja Holta Dulaku. Disa nga konkurentët tashmë të konfirmuar për çmimin e madh janë Çiljeta Çilaga dhe Sinan Hoxha dhe së fundmi Noizy.