U arrestua për armëmbajtje pa leje, Gjesti lirohet nga paraburgimi

Këngëtari i njohur, Besart Kelmendi, i njohur si Gjesti është liruar nga paraburgimi.

Gjykata Themelore në Prishtinë ka nxjerrë sot aktvendimin për ndërprerjen e masës së paraburgimit ndaj këngëtarit, një javë pasi u ndalua.

Këngëtari do të hetohet në gjendje të lirë. Ai u arrestua nën dyshimin për armëmbajtje pa leje dhe kanosje. A. 

Avokatët e tij, Artan Qerkini dhe Burim Azemi janë shprehur se në bazë të nenit 159 të Kodit të Procedurës Penale të Republikës së Kosovës, i cili përcakton parimin e proporcionalitetit në caktimin e masave të sigurisë, paraburgimi s’ka qenë masë proporcionale.

Ndërkohë, në llogarinë zyrtare të Gjestit në Instagram, nuk ka ende asnjë reagim.