Shqipëria nuk arrin të kualifikohet në finalen e Eurovision

Kënga "Titan" e Besa Kokëdhimës nuk ka arritur të kualifikohet për në finalen e madhe të Eurovision 2024. Pavarësisht performancës së mrekullueshme, ajo nuk ka marrë vlerësimin e nevojshëm për të shkuar mes më të mirëve.

Besa Kokëdhima dhuroi shumë energji dhe adrenalinë me këngën e saj të cilën e këndoi në gjuhën angleze dhe ndezi skenën në Malmo Arena, Suedi.

Skenografia dhe veshja e këngëtares ishin një detaj shumë i veçantë dhe i kombinuar në mënyrë perfekte për të përfaqësuar denjësisht Shqipërinë në festivalin më të madh evropian Eurovision 2024. Ajo arriti gjysmëfinalen dhe ishte e renditur e dyta për të performuar.

Në gjysmëfinalen e parë 10 vendet që u kualifikuan ishin: Serbia, Portugalia, Sllovenia, Ukraina, Lituania, Finlanda, Qipro, Kroacia, Irlanda, Luksemburgu.

Në gjysmëfinalen e dytë aktualisht dihen 16 finalistët, ku 10 vende kaluan gjysmëfinalen e dytë që ishin: Letonia, Austria, Holanda, Norvegjia, Izraeli, Greqia, Estonia, Zvicra, Gjeorgjia, Armenia. Kurse vendet si Franca, Italia, Anglia, Gjermani, Spanja dhe Suedia shkojnë automatikisht në finale.