Refuzoi të bënte foto, tërbohet Conor McGregor, sulmon në tapetin e kuq partnerin e Meghan Fox

Machine Gun Kelly dhe Conor McGregor pothuajse u rrahën në tapetin e kuq të “MTV Video Music Awards” mbrëmë, pasi kampioni i “MMA” thuhet se “hodhi një pije” mbi këngëtarin.

Një dëshmitar okular i tha “TMZ” se Conor, 33 vjeç, i kërkoi Machine Gun Kelly-t, i cili është 31 vjeç, një fotografi, por ai refuzoi, dhe situata u përshkallëzua, shkruan “The Sun”.

Thuhet se Conor u pengua dhe derdhi pijen e tij mbi Meghan Fox dhe Machine Gun Kelly. Megan Fox ndërkohë u vu në qendër të vëmendjes për shkak të fustanit transparent që kishte veshur, i cili i tregonte linjat trupore seksi dhe të brendshmet që ajo kishte veshur.

Një burim tha: “Ata u grindën, pastaj u qetësuan dhe më pas Conor shkoi përsëri drejt tij (Machine Gun Kelly-t).”

Një dëshmitar tjetër okular tha se “të gjithë bërtisnin” gjatë këtyre momenteve tensionuese mes dy artistëve.

“McGregor ishte gati t’i gjuante me grushte,“- thanë ata, duke shtuar: “Sigurimi ndërhyri dhe e pati të vështirë ta mbante atë.”

Thuhet se Conor u shoqërua jashtë vendit për një kohë të shkurtër, por u kthye në kohë për fillimin e ceremonisë.

Një përfaqësues i Conor mohoi pretendimet dhe i tha “The Sun” se ylli irlandez “nuk e nxiti incidentin, nuk u dëbua kurrë nga ndërtesa dhe është brenda duke shijuar shfaqjen”.