Olti Curri reagon pas kritikave për performancën e Shqipërisë në Eurovizion: Na çatë...

Pas kritikave në rrjetet sociale për performancën e ekipit të Shqipërisë në Festivalin e Eurovizionit ka ardhur edhe reagimi i Olti Currit.

Ky i fundit, që ishte autori i këngës “Karma” dhe pjesë e ekipit të RTSH në Holandë u kërkon komentuesve të shijojnë performancën që sipas tij na ka ngritur zemrat peshë, duke u kërkuar të mos bëjnë “vërr vërr”.

“Boll na çatë sumandrën për veshjen e Anxhelës…Ja edhe kjo ka diçka të përafërt dhe është trend. Thjesht nuk shkëlqen si Anxhela… Se nuk ka aq shalë dhe vokalin e saj. Do gjeni përherë diçka. Shijojeni aty se na ka ngritur zemrat peshë dhe boll bëtë vërr-vërr. Më mirë si Beyonce sesi nënë Tixheja”, shkruan Curri në rrjetet sociale.

Këngëtarja Anxhela Peristeri, e cila përfaqësoi Shqipërinë me këngën “Karma” ia doli të kualifikohej në natën finale të festivalit, por duke u renditur vetëm në vendin e 21-të, me 57 pikë në total.