Noizy, Bora dhe Graciono dënojnë rëndë autorët e përdhunimit të 15-vjeçares në Lezhë(Foto)

Disa ditë pas lajmit të rëndë se një 15-vjeçare në Lezhë është përdhunuar nga 5 persona të rritur, kanë reaguar artistët.

Duke postuar në proflin e tyre në Instagram emrat dhe moshën e autorëve të kësaj vepre makabre, ata kërkojnë që të vendoset drejtësi për 15-vjeçaren e përdhunuar dhe për të gjithë ata që nuk kanë denoncuar.

Në rrjetet sociale kanë shpërthyer Fjoralba Ponari, Graciano Tagani, Argjira Spanca, Noizy, Kejvina Kthella, Arjola Demiri, Bora Zemani dhe jo vetëm.

Dedikimet e tyre ishin të shumta, duke bërë të ditur se populli i thjeshtë nuk do e lë që kjo çështje të largohet pa u vendosur drejtësia.

Kujtojmë se 15-vjeçarja është përdhunuar nga 5 persona, ndërsa një ditë më parë dolën detaje se ajo ka qenë në një lidhje me një nga përdhunuesit e saj, që është i martuar.

5 autorët e dyshuar janë arrestuar dhe ditën e sotme ata do të përballen me gjykatën.

Ngjarja e rëndë është denoncuar dhe bërë publike në media dy ditë më parë.