Njihuni me sozinë e Kate Middleton, ja shifra që fitonte për një zëvendësim

Gabriela Munro Douglas është sozia e dukeshës Kate Middleton, që shumë prej jush me siguri nuk e njihnin dhe ndoshta mendonit që nuk ekzistonte.

Ajo ka qenë e pranishme në shumë evente për të zëvendësuar gruan e William dhe për më tepër Gabriella ka thënë për “The Sun” se fitonte për një zëvendësim 650 deri në 1000 paund, shifra këto që pas disa kohësh e lejuan që të blinte dhe një apartament në Londër.

Puna e parë erdhi rreth dhjetë vjet më parë, madje edhe para martesës me William, ishte pikërisht periudha kur Dukesha e Kembrixhit filloi të përmendej nga mediat.

“Ethet e Kate ishin të mëdha. Kam punuar çdo ditë, madje edhe natën dhe fundjavat, gjë që ishte rraskapitëse, por më pëlqente.”- tha Gabriella, të cilës iu desh të mësonte stilin e Middleton për të qenë sa më e besueshme.