Një javë nga dasma e vitit/ Kida dhe Ajbi kurorëzojnë dashurinë në Romë, zbardhen detajet e ceremonisë

Artistja shqiptare Orhidea Latifi, e njohur me emrin e artit si Kida, së shpejti do të kurorëzojë dashurinë e saj.

Lajmin e ëmbël e ka bërë publik vetë këngëtarja e cila përmes një postimi të ndarë në rrjet, ku ajo shkroi: Gjithçka është në rregull, jemi mirë.

Mediat kosovare bëjnë me dije se dasma e saj me Ajbin pritet të mbahet më 1 shtator në Romë të Italisë.

Të njëjtat burime bëjnë me dije se ceremonia do të zhvillohet në një rezidencë historike në Romë, ndërsa për muzikën dhe atmosferën e mbrëmjes pritet të kujdesen Ermal Fejzullahu dhe Sinan Vllasaliu.

Kujtojmë se Kida dhe Ajbi u fejuan në dhjetor të vitit 2024, kur këngëtarja mori një propozim romantik nga partneri i saj në ditëlindjen e saj, një moment magjik që theu rrjetin.