“Në lidhje me Jonida Maliqin?”/ Alessio vihet në siklet dhe zbulon: Ia kalojmë shumë mirë…

Alessio Alia ka qenë i ftuar në studion e “Live From Tirana” me Stenaldo Mëhillin, ku ka folur më shumë për eksperiencën e tij në “Big Brother VIP 5” por dhe për zërat që qarkullojnë mbi një romancë me Jonida Maliqin…

Stenaldo: Jonida Maliqin e njeh gjë?

Alessio: E njoh, kam bërë shumë bashkëpunime me të në këngë. Është shumë person i mirë, e përshëndesim.

Stenaldo: E çmoj shumë, është gocë shumë e mirë. Do ta kem edhe në program.

Alessio: Thashë se mos do e bëje sot surprizë… Është shumë vajzë e mirë, artiste mbi të gjitha.

Stenaldo: Po kështu si person, çfarë mund të na thuash për Jonidën?

Alessio: Ia kalojmë shumë mirë. E njeh edhe ti, e ke shoqe. Kemi dalë disa herë kemi pirë kafe bashkë. Jemi artistë, Stenaldo…

Stenaldo: Pashë një ditë ca foto, dhe ju pashë shumë afër…

Alessio: Po afër jemi gjithmonë ne. Pavarësisht largësisë ndonjëherë, afër kemi qenë gjithmonë.

Stenaldo: Ke ikur nga Australia fare më duket.

Alessio: Jo, vajtje-ardhje. Kam tre kalamajtë atje. Do iki nga tetori, se është dhe sezoni veror që vazhdon atje, kam ca punë, që duhet të vazhdoj ca evente.

Stenaldo: Dashuria për kalamajtë është atje, por dashuria për një vajzë është këtu, them unë…

Alessio: I lëmë gjërat private, se lihen më bukur, ka lezet… Unë të kam shok dhe i flas gjërat me ty. Ne kemi dalë disa herë, me dreka, darka me shoqërinë. Kur shohin dy gjëra të bukura në rrugë, normal që do i bëjnë foto (qesh). Çfarë të bëjmë tani? Vishemi mirë, njerëzit do bëjnë foto.