Më në fund e lirë nga babai, Britney Spears shpall fejesën me Sam Asghari

Këngëtarja Britney Spears po jep frytet e para të lirisë së saj. Përmes një postimi në Instagram, këngëtarja ka treguar se është fejuar me të dashurin e saj prej vitesh, Sam Asghari.

Duke treguar unazën me diamant, Britney mjafton vetëm me një fjali. “Nuk mund ta besoj”, shkruan ajo, duke shijuar lajmin e mirë. Ndërkohë ka folur më tej për këtë ngjarje edhe menaxheri i të Sam Asghari.

“Çifti zyrtarizuan sot lidhjen e tyre të gjatë dhe janë prekur thellë nga mbështetja, përkushtimi dhe dashuria që kanë ndaj njëri-tjetrit.“, tha Brandon Coheni, menaxheri i Asghari. Sam dhe Britney janë bashkë që prej 2016, dashuri që ka frymëzuar shumë persona.

Ndërkohë, kujtojmë se pak javë më parë, Britney Spears fitoi lirinë nga babai i saj. Pas një lufte të gjatë, Jamie Spears u dorëzua duke hequr dorë nga kujdestaria ligjore.